الفنان الليبي...عمر المزداوي ...محرودة مكحول انضارة......
مكحول انضارة مرحب يامكحول انضارة ..مرحب ترحبيه بحراراة ..فيك تعبنا موش خسارة علي شانك جينا يا زين
مرحب بقدومك يالانا تستاهل يازين غلانا ..علاّك المولي سبحانه زينك فايق عالاخرين
زينك فايق مومن جيلك اقرب يا غالي نحكيلك..هالي طاريلي طاريلك قلتا بنظرات العين
قلتا بنظرات عيونك كل الي جوا مكنونك ..يبقي مولايا في عونك من غيره العشاق يعين
من غيره العشاق يعاون ويخلي داهم يتهاون ..يامولي الخدود اضاون كيفك خافي شوق دفين
كيف خافي شوق في سرِّي ماني قادر شي نوري ..كاميها ميت من حرّي ومن خوفي من النقارين
من خوفي من الي نقاره ماداقوه الصوب وناره ..لاعرفو للحب اماره ولاعانوغيات سنين
لاصوب ولاداقو غية ديما يراعو فيك وفيا ..هكي نيتهم حسدية والحاسد شاقي مسكين
يبقي ديما ديما شاقي ما يتهني حسدا راقي ..خايفني يا بنت نلاقي في وقت الميعاد يحين
في وقت الموعد يديَّب ديما في المطراح قريب ..ويراجي في الوقت يطيب ينشد كان تغيبي وين
ينشد عنك وين تغيبي هوا الي مسبب تعديبي ..هكي راد الله نصيبي نبكي والدمعة سيلين
نبكي والدمعة تسيل نبكي كيف بكا العوّيل ..مخنوق بعبرة يتويل تم افطامه من يومين
مفطوم وما رايم حاجة حتي في نومه يتفاجئ ..يقفز يا ناري يتلاجي رايف هف عليه حنين
هف عليه حنينه لامّه يبيها عالصدر ضمه ..يرتاح وتنزاح الغمة كيفه يا ضاوي الجبين
انا كيفه يا ناير خده طالت عالملقاك المدة ..انا ياغالي في حال الشدة جنني شوقي تجنين
شوقي بالحيل مجنني متمني نصبر متمني ..نبقي مرتاح ومتهني يا سامعني قول امين
